ಬಾಲಕೃಷ್ಣನ ಪರಾಕ್ರಮ

ಶ್ರೀ ಕೃಷ್ಣನು ಬಾಲಕನಾಗಿದ್ದಾಗ ಯಾವ ಯಾವ ರಾಕ್ಷಸರನ್ನು ಕೊಂದಿದ್ದನು ಹಾಗೂ ಅವರು ಯಾವ ರೂಪಗಳಲ್ಲಿ ಬಂದಿದ್ದರೆಂದು ನೋಡೋಣ.ಅಂತೆಯೇ ಯಾವ ಇತರರನ್ನು ಮಣಿಸಿದನೆಂದೂ ನೋಡೋಣ:

೧.ಪೂತನಿ - ಸುಂದರ ತರುಣಿ 

೨.ತೃಣಾವರ್ತ- ಸುಂಟರಗಾಳಿ 

೩.ಶಕಟಾಸುರ- ಗಾಡಿ 

೪.ವತ್ಸಾಸುರ- ಕರು

೫.ಬಕಾಸುರ- ಕೊಕ್ಕರೆ 

೬.ಅಘಾಸುರ- ಬೃಹತ್ ಹಾವು 

೭.ಧೇನುಕಾಸುರ-ಕತ್ತೆ( ಬಲರಾಮನಿಂದ ಹತನಾದನು)

೮.ಪ್ರಲಂಬಾಸುರ-ಗೋಪಬಾಲಕ(ಬಲರಾಮನಿಂದ ಹತನಾದನು)

೯.ಅರಿಷ್ಟಾಸುರ-ಎತ್ತು

೧೦.ಕೇಶಿ-ಕುದುರೆ

೧೧.ಕಾಲಿಯ ಅಥವಾ ಕಾಳಿಂಗ ಸರ್ಪ -ಸಾವಿರ ಹೆಡೆಗಳ ಸರ್ಪ( ಕೊಲ್ಲಲಿಲ್ಲ, ಮಣಿಸಿ ಕಳಿಸಿದನು)

೧೨.ಯಮಳಾರ್ಜುನ ವೃಕ್ಷಗಳು - ಎರಡು ಜೋಡಿ ಮರಗಳು ( ತಾಯಿ ಯಶೋದೆಯು ಕೃಷ್ಣನನ್ನು ಕಟ್ಟಿದ್ದ ಒರಳುಕಲ್ಲನ್ನು ಎಳೆದುಕೊಂಡು ಈ ಮರಗಳ ಮಧ್ಯೆ ಹೋದಾಗ ಅವು ಉರುಳಿ ಬಿದ್ದವು.ಅವು ನಾರದರಿಂದ ಶಾಪಗ್ರಸ್ತರಾಗಿದ್ದ ಕುಬೇರನ ಮಕ್ಕಳಾದ ನಳಕೂಬರ ಮತ್ತು ಮಣಿಗ್ರೀವ.ಇಬ್ಬರೂ ಶಾಪವಿಮುಕ್ತರಾಗಿ ಹೋದರು)

೧೩.ಶಂಖಚೂಡ- ತಲೆಯಲ್ಲಿ  ಮಣಿಯಿದ್ದ ರಾಕ್ಷಸ, ಗೋಪಿಯರನ್ನು ಅನುಸರಿಸುತ್ತಿದ್ದ.ಕೃಷ್ಣ ಅವನನ್ನು ಕೊಂದು ಗೋಪಿಯರನ್ನು ಬಿಡಿಸಿ, ಮಣಿಯನ್ನು ಬಲರಾಮನಿಗೆ ಕೊಟ್ಟ)

೧೪.ಸುದರ್ಶನ ವಿದ್ಯಾಧರ - ಶಾಪದಿಂದ ಹೆಬ್ಬಾವಾಗಿದ್ದ ಇವನು ನಂದನನ್ನು ಹಿಡಿಯಲು, ಕೃಷ್ಣನು ಅವನನ್ನು ಒದ್ದು ಶಾಪವಿಮುಕ್ತಿಗೊಳಿಸಿದ)

೧೪.ಪಂಚಜನ- ಶಂಖದಲ್ಲಿದ್ದ ರಾಕ್ಷಸ, ಸಾಂದೀಪನಿ ಗುರುಗಳ ಪುತ್ರನನ್ನು ಅಪಹರಿಸಿದ್ದ.ಕೃಷ್ಣ ಅವನನ್ನು ಕೊಂದು ಪಾಂಚಜನ್ಯ ಶಂಖ ತೆಗೆದುಕೊಂಡು ಯಮಲೋಕದಿಂದ ಗುರುಪುತ್ರನನ್ನು ಕರೆತಂದ)

೧೫.ಕುವಲಯಾಪೀಡ- ಮದಿಸಿದ ಆನೆ

೧೬.ಕಂಸ- ಮಥುರೆಯ ರಾಜ, ಮಾವ