ಅಪರೂಪದ ಪಳೆಯುಳಿಕೆ

ಮೈಸೂರಿನ ಶ್ರೀ ಚಾಮರಾಜೇಂದ್ರ ಮೃಗಾಲಯ ಅಥವಾ ಮೈಸೂರು ಮೃಗಾಲಯದಲ್ಲಿ ಅನೇಕ ವಿಧವಾದ ಪ್ರಾಣಿ ಪಕ್ಷಿಗಳನ್ನಷ್ಟೇ ಅಲ್ಲದೇ ಇನ್ನೂ ಕೆಲವು ಆಕರ್ಷಣೆಗಳನ್ನು ಕಾಣಬಹುದು.ಅಂಥ ಒಂದು ಆಕರ್ಷಣೆ, ೧೫೦ ಮಿಲಿಯನ್ ವರ್ಷಗಳ ಹಿಂದಿನ ಹಳೆಯದಾದ ಒಂದು ಮರದ ಕಾಂಡದ ಪಳೆಯುಳಿಕೆ! ಪಳೆಯುಳಿಕೆ ಎಂದರೆ, ಹಿಂದೆ ಇದ್ದ ಪ್ರಾಣಿ,ಪಕ್ಷಿಗಳ ಹಾಗೂ ಗಿಡ,ಮರಗಳ ಅವಶೇಷಗಳು.ಇವು ಕಲ್ಲು, ಆಂಬರ್. ಮೊದಲಾದ ವಸ್ತುಗಳಲ್ಲಿ ಸಿಕ್ಕಿಕೊಂಡು ತಮ್ಮ ಗುರುತನ್ನು ಬಿಟ್ಟಿರುತ್ತವೆ ಅಥವಾ ಆ ಕಲ್ಲಾಗಿಯೇ ಪರಿವರ್ತನೆ ಹೊಂದಿರುತ್ತವೆ.ಈಗ ಇಲ್ಲಿರುವ ಈ ಮರದ ಕಾಂಡದ ಪಳೆಯುಳಿಕೆಯನ್ನು ಆಂಧ್ರಪ್ರದೇಶದ ಆದಿಲಾಬಾದ್ ಜಿಲ್ಲೆಯ ಯಮನಪಲ್ಲಿ ಹಳ್ಳಿಯಿಂದ ತರಲಾಗಿದೆ.ಅದು ಅಲ್ಲಿ ಜುರಾಸಿಕ್ ಯುಗದ ಕೋಟಾ ಎಂಬ ಶಿಲಾ ಸ್ತರಗಳಲ್ಲಿ ಸಿಕ್ಕಿರುವುದಾಗಿದೆ.ಈ ಪಳೆಯುಳಿಕೆಯಲ್ಲಿ ಮರದ ಸೂಕ್ಷ್ಮ ರಚನೆಗಳನ್ನು ಕಾಣಬಹುದಾಗಿದೆ! ಹೀಗೆ ಇದೊಂದು ಪ್ರಾಕೃತಿಕ ವಿಸ್ಮಯವಾಗಿದೆ.