ಇಬ್ಬರು ವ್ಯಕ್ತಿಗಳಿದ್ದರು.ಒಬ್ಬನು ಹತ್ತಿಯ ಬಟ್ಟೆಗಳನ್ನು ಉಟ್ಟಿದ್ದರೆ,ಇನ್ನೊಬ್ಬನು ಉಣ್ಣೆಯ ಬಟ್ಟೆಗಳನ್ನುಟ್ಟಿದ್ದನು.ಒಮ್ಮೆ ಅವರಿಬ್ಬರೂ ಒಟ್ಟಿಗೆ ಬಂದು ನದಿಯಲ್ಲಿ ಸ್ನಾನ ಮಾಡಲು ಹೋದರು.ಅವರು ತಮ್ಮ ಬಟ್ಟೆಗಳನ್ನು ನದಿಯ ದಂಡೆಯ ಮೇಲೆ ಬಿಚ್ಚಿಟ್ಟು ನದಿಗೆ ಧುಮುಕಿದರು.ಸ್ನಾನದ ಬಳಿಕ, ಉಣ್ಣೆಯ ಬಟ್ಟೆಗಳನ್ನುಟ್ಟಿದ್ದವನು ತನ್ನ ಬಟ್ಟೆಗಳನ್ನುಟ್ಟಿದ್ದಲ್ಲದೇ ತನ್ನ ಸ್ನೇಹಿತನ ಹತ್ತಿ ಬಟ್ಟೆಗಳನ್ನೂ ತೆಗೆದುಕೊಂಡು ಹೊರಟುಬಿಟ್ಟ!ಪಾಪ, ಇನ್ನೊಬ್ಬ ವ್ಯಕ್ತಿಯು ತನ್ನ ಬಟ್ಟೆಗಳನ್ನು ಎಷ್ಟು ಕೇಳಿದರೂ ಅವನು ಕೊಡಲಿಲ್ಲ!ಕೊನೆಗೆ ಇಬ್ಬರೂ ನ್ಯಾಯಾಲಯಕ್ಕೆ ಹೋದರು.ನ್ಯಾಯಾಧೀಶನು ಇಬ್ಬರ ತಲೆಗೂದಲುಗಳನ್ನೂ ಬೇರೆ ಬೇರೆ ಬಾಚಣಿಗೆಗಳಿಂದ ಬಾಚಲು ಆದೇಶಿಸಿದ.ಹಾಗೆ ಮಾಡಿದ ಬಳಿಕ, ಅವನು ಆ ಬಾಚಣಿಗೆಗಳನ್ನು ಗಮನಿಸಿದ.ಉಣ್ಣೆ ಬಟ್ಟೆಗಳನ್ನುಟ್ಟಿದ್ದವನ ಬಾಚಣಿಗೆ ಯಲ್ಲಿ ಉಣ್ಣೆಯ ಎಳೆಗಳಿದ್ದವು.ಇದರಿಂದ, ಅವನು ಹತ್ತಿ ಬಟ್ಟೆಗಳ ಮಾಲೀಕನಲ್ಲ ಎಂದು ತೀರ್ಮಾನಿಸಿ,ಹತ್ತಿಬಟ್ಟೆಗಳ ನಿಜವಾದ ಮಾಲೀಕನಿಗೆ ಆ ಬಟ್ಟೆಗಳನ್ನು ಕೊಡಿಸಿದ.
ನಂದೀಸೂತ್ರ-ಮಲಯಗಿರಿ ವೃತ್ತಿಯ ಕಥೆ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ